[馬來西亞。沙巴] 出島

黎到沙巴點少得出島呢？

在沙巴市中心，可以用自己的11號走過去。當然需要就的士﹐但請講好價才上車。因為無跟錶可言。

講番出島。一係行去碼頭﹐一係同的士司機講去 Jesselton Point 。

右手面入去就有不同的船公司既 Counter  賣飛出島。除了出島﹐都會有其他水上活動(如水上電單車)，或者要租 浮潛鏡，管，蛙鞋等等。

買飛的時候，要講明去邊個島同幾點回程。如果玩完一個再玩另一個，同他講定幾點來接你到另一個島同最後回程時間。

就係上這些快艇出去架啦。(記得著救生衣)

經過 Sapi 島

今次上左 Manukan 島

上島要 上島費架  (Conservation Fee)

落水同魚玩又好。Hea  下又得。訓個晏覺都無問題。

記住約好回程既時間早少少過去等船。只可以講只有人等船無船等你囉。走左晒船﹐就各下自負。

[馬來西亞。沙巴] Sunday Market

星期日的沙巴會有 Sunday Market 向Gaya Street  的兩旁。

有各式各樣既野賣﹐好似一個小市集。

食呀。飲呀。

 衫呀。

小飾物呀。

重有郵票。如果想寄 Postcard﹐可以寫好﹐貼好郵票﹐比酒店幫你寄。

記住  Sunday Market 只係星期日朝早先有。大約十二點左右就開始收檔。

[馬來西亞。沙巴] 新記肉骨茶 (搭隻「蠔油雞翼」@洪金買大酒店)

來到馬來西亞點都要食下肉骨茶。雖然個人認為吉隆波的肉骨茶較好味。

沙巴市中心有兩間出名的肉骨茶﹐一間係 “新記肉骨茶”﹐另一間係”佑記茶室”。兩間都只係開夜市﹐下午四點開門。

今次食左　新記。這間是一個砂煲過的。個人覺得藥材味濃點。

一個基本既砂煲肉骨茶會乜都有點(豬什)。可以另外再加點喜歡既配料。

這個黃酒豬腰﹐酒味很濃。

另外﹐可以配白飯和油炸鬼(=油條)一齊食。

叫完野食﹐就會問你飲乜野架啦。記住少甜呀。他們大部分餐廳內的飲品的比較甜。

如果食完肉骨茶﹐重有空間的話﹐可以過斜對面的 “洪金買大酒店”   食 「蠔油雞翼」。

這間可以是一個晚餐的選擇﹐食小菜。他有Tripadvisor 個貼子。

試過小菜。。

總結係：若空間有限﹐來吃「蠔油雞翼」吧。

新記肉骨茶
Address: No. 26, Jalan Pantai, Kota Kinabalu
下午４點才開。

[馬來西亞。沙巴] 沙巴機場出城

無錯！又係一年一度馬來西亞榴槤時間。今次係 - 沙巴。

不去邦邦島潛水，應該不會被捉。:|

到啦。由沙巴機場出市中心的公共交通工具，只有 - 的士。

出左Arrival Hall ，轉左直行就會見到個 Airport Taxi Counter。 只須同職員講去邊間酒店，比埋錢，他會比兩張收據，一張司機，一張自己。(P.S. 今次機場出市中心 RM 30)。

比完錢，拿收據，就可以行去的的士站。

機場的士是白色的。

四個人或以下，就細的士
五個或以上，就大的士
機場出市區大約十五分鐘左右就到。超近！

Extra Info:
在市區見過既的士有紅色，藍色。

在市區坐的士無什麼跟錶可言，最好講好價才上車。

若在市中心住，可步行範圍都有唔好好野食。

待續。。。。

[HK。吃] 耐性的考驗@咖啡弄

"咖啡弄" - 人人都說最少要排好好好耐。

今天終於心血來潮去排隊。從拿飛到入座，前後等左兩個鐘。真係耐性的考驗。

重有一張到啦。

入座起計，只有個半鐘時間食。

玉米里肌起士可頌

講明每日限量。

Hazelnut Latte

一般啦。有點苦。

冰鮮果茶

這杯果茶裡面來蘋果，橙，青檸，話梅。餐牌上話重用台灣菠蘿糖。
飲落去即刻諗起似馬來西亞飲的 吉仔冰。

主角來了。。
士多啤梨窩夫 (草莓冰淇淋鬆餅)

真係很有誠意。
個窩夫很足料。牛油加奶，一點都無溝水。
加埋士多啤梨雪糕，新鮮士多啤梨。另一球覺得似cream，但不太肯定。

餐牌上還有其他甜品，有一頁叫 千層派。

今次個胃無空間了。

開始明白點解大家願意排甘耐。窩夫 真的很得。
留肚來食甜品喔。

咖啡弄有兩間。銅鑼灣同尖沙咀。聽講尖沙咀多位點。

銅鑼灣向
Address:銅鑼灣邊寧頓街 9-11 號登龍閣 1 樓 B1-B3室

銅鑼灣地鐵站  F1 出口出，行渣甸街5 分鐘內到。

找到就是等待的考驗時間喔！努力。

記住這裡叫飛過左就無得補番。

最低消費是每人一杯飲品。叫左成枱食物，都要每人叫一杯飲品。
餐牌上寫到明。可能台灣興這樣計算，同我地最低消費不同。
尊重不同文化和計算方法。

[HK。吃] 茄牛通@勝香園

重有幾多人記起 愛我請留言中提起的 "茄牛通" 呢？

之但係﹐如果同你講 "勝香園" 的茄牛通﹐我估大家就一定知講緊乜。

要食 "勝香園" 的話﹐請預時間。。排隊！

長長的人龍

終於到啦。

這裡最出名既係﹐ 脆脆 = 檸蜜脆脆 同 奶油脆脆  加埋 杯咸檸七 (記住食呀。)

今次重叫左茄牛通同凍檸茶。檸檬已經篤好左架啦。

除左茄牛通之外﹐還有很多蕃茄湯底加自己想要的組合﹐豬牛雞﹐腸蛋餐﹐米通公仔麵。總有你想要既組合。

這裡無冷氣的。為左好味既野食﹐炎熱的天氣下食都值很的。

向邊度架？ 中環美輪街 2號排檔

中環地鐵站 D2出口行10分鐘左右。在 "歌賦街" 入就得到架啦。

[HK。吃] 厚多士@茶木

提起 "茶木" 同 "咖啡弄"﹐總會想起排最少個幾兩個鐘先有位同有得食。

今日又一個人享受浪漫。完成了需要做的事情﹐大約是下午四點左右。站在銅鑼灣Sogo門口﹐ Lunch time 又唔係﹐ Dinner 又未夠鐘﹐黎一個Tea 吧。

係你啦。。"茶木"

Lift 門一開﹐見到十幾人左右。已經比想像中少﹐等了不夠15 分鐘就有位啦！

決定食個糖品做個 Tea。

黃金磚塊 vs 厚多士

今期厚多士咁hit。就來一個 "草莓香草蜜糖磚塊"

雪糕下面係有很多麵包粒。四面都焗至金黃色架。配埋雪糕食﹐味道係點﹐唔係講啦。

除左士多啤梨之外﹐重有其他味道可以選擇。

下次如果再排到的話﹐希望可以試下它台灣主食同小食。

茶木 有很多分店啦。我今次就去Sogo對面。如果地鐡就 Exit F1﹐一上左手面轉個彎就到。

向邊度架？ 銅鑼灣軒尼詩道 502號 黃金廣場 9樓，是其中一間。